Понад воду лавка киват ся

Понад воду лавка киват ся

Понад воду лавка киват ся
По ній іде Ганка боїт ся
Я тя переведу Ганичко по воді
Лем ня переночуй в коморі

Ганичка мі ручку подала
І так мі пресмутні сказала
Я би-м тя шугайку до днука пустила
Ключ єм од коморки стратила

Кадиль же єс Ганко ходила
Же-с ключ од коморки стратила
Кеби-с не кламала моя голубонько
Я би-м ти дав своє серденько

Під тим селом стоїт млин
Шумна млинарочка в нім
Млинарочку-м любовав
Пантлічки ї куповав

Млинарочко розкошна
Не будеш довго пишна
Піду я ґу хотарю
Оставлю тобі воду

Женив би-м ся женив
Кеби мі казали
Ей, взяв би-м тя Ганичко
Кеби мі тя дали

Кед мі тя не дают
Мила Ганко взяти
Ей, піду я ся піду
Завтра звербовати

Завтра звербовати
До завтра єм дома
Ей, будеш бановати
Фраїрочко моя

Женив би-м ся женив
Кеби мі казали
Ей, взяв би-м тя Ганичко
Кеби мі тя дали

08.11.2016

сьогодні 1, з початку місяця 17, всього 1820

◄ Попередня Наступна ►